Hipos

Hipos

Ni Melchor F. Cichon

gumamilacruz@yahoo.com

June 12, 2017

Hipos

May Metrocom nga naga-agi.

Owa’t eabot kana

May gaikog-ikog pa ron

Nga mga ahente.

Ag indi ka gid magpiyar

Sa imong kaestorya,

Maski imo pa ron imaw nga kaeuyo,

Ay base espiya man ron imaw it mga militar.

Habatian mo ratong natabo kay Ka Roming?

Bangud nagsugid imaw kay Annie nga katrabaho nana

Nga ra tatay hay nagpakaon sa andang eangbon

Sa tatlong eaeaki nga may bitbit nga baril,

Gin-embita ra tatay it mga militar sa Kampo M

Ag hasta makaron hay owa pa kabalik

Sa andang baeay.

Tao ngani kon gatubo pa kato ra bungot.

O base naeunot eon.