Sueat

Sueat*

1993

John,

Mauli gid man ako

Sa atong baeay

Kon siin makita naton ro gae-um

Sa tagpi-tagpi natong bubungan,

Abi mo, John

Ginapesti eon gid ako

Sa pag-iwoe-iwoe ko

Sa gaidlap-idlap nga neon lights,

Ugaling owa pa ako

Maka-impas sa hueogan

Kong singsing ag aritos

Kay Mama San.

Kinahangean ko gid ra

Agod bumaskog rang eagting

Ag bumug-at rang hawak.

Indi ka eang magbakho, John

Ay sa Paskua ngara hay mahimo

Gid kitang daywa it bituon ag buean

Ag sa atong bubungan

Hakupon naton ro andang kahayag.

*This is the original version of Sueat, (The Letter), that won first prize in the First Home Life poetry contest.