Hailuwa

What is hailuwa? This is a combination of haiku and luwa which I invented. 

 Here is an example:

*Hangin it Amihan-- 

Sa pag-agto ko sa baybay 

May napueot akong sigay 

Ginbaylo ko it kaeamay. 

**Melchor F. Cichon December 14, 2008

*haywey-- 

pag-agi’t estudyante 

sa kilid it higanteng balete 

gulping may nagtunga 

Nga babayeng nakaputi ra saya. 

***Melchor F. Cichon. July 25, 2020

*ugsad-- 

namunit si Tay Itsong sa Maeara 

Agod may isumsuman imaw sa tuba 

Ugaling ro mga nagtueokob hay puro paka. 

Nag-eaha eon lang imaw it eangkuga. 

**Melchor F. Cichon 

July 25, 2020

*gatunod nga ugsad-- 

isaeahanon nga nagatan-aw 

it asul nga rosas sa Malinao; 

pero sa gihapon ikaw 

rang ginaaeaw-aeaw 

maski bag-o eang ako nga bugtaw. 

**Melchor F. Cichon. 

July 25, 2020

*bueawanon nga paeay-- 

ro ikog 

ku tiki nga busog 

nahuslog 

sa puno it katilog. 

**Melchor F. Cichon
July 25, 2020

*gatagiti nga silak-- 

sa sona ni presidente nagrali 

sa plasa ro apa, bungoe, buta ag paki 

owa magbuhay may pulis nga nagsinggit: 

“Pusdaki! Tapaki !” 

**Melchor F. Cichon
July 25, 2020

mahanayhay nga huyop it hangin--
hadakpan ko ro huni it antiyamis
nga ginbilin kang Parayaw
ugaling hakatueogan ako
pero hadumduman ku ra tunog pagbugtaw ko.
**Melchor F. Cichon
July 25, 2020

 

quarantine--

owa eon imaw sa euyo ko

bangod owa eon ako’t trabaho

ahay, Covid-19 ham-at nag-agto ka pa sa banwa ko?

kunta nagtiner ka eon lang sa baeay mo nga tsino.

***Melchor F. Cichon, August 14, 2020