Kaunlaran Ba o Pag-urong?

Kaunlaran Ba o Pag-urong?

ni Melchor F. Cichon

November 8, 2016

Natatakpan na ang mga mata ko

Ng mga larawan ng mga patayan

Sa kalsada at sa mga kabukiran.

Nabibingi na rin ako

Sa mga balita sa radyo at sa telebisyon

Tungkol sa mga rape cases

At iba pang mga krimen sa mga kabataan.

At ngayon nilulunod na ang facebook ko

Ng mga komento tungkol sa desisyon ng Korte Suprema

Na pwede ng ilibing si Marcos

Sa Libingan ng mga Bayani.

Ilang milyon na ba ang nawaldas na pera

Ng ating kaban dahil sa kumperensiya,

Seminar, miting, at lakbay-aral

Para matuklasan lang ang susi ng ating kaunlaran?

Pero ano ang mga bunga nito?

Kaunlaran ba o pag-urong?

Ito ba ang ipapamana ko sa aking mga apo?

Ito ba ang ipagmamalaki ko bilang Filipino?

Kulang pa ba ang mga batas at mga kasuguan

Sa ating bayan para maging bayang magiliw tayo?