Ano Gid Baea Kabuhay?
Maeara, Oct. 30, 2021
Ano gid baea kabuhay
Rang paghinueat ku imong “Huo”?
Kinahangean gid baea
Nga mag-ubog anay ako sa tagaliog nga baha?
O pasauton mo anay ako sa baga?
Kinahangean gid baea
Nga tukuran ko ro buean ag ro adlaw
Agod indi kita madueman?
Ham-an ro iba
Owa pa ngani ginpangutana
Kon ginahigugma man imaw
Hay gapaagbay eon imaw kana?
Pero ako gainunat rang gabii
Sa pagpiniino kon ano rang obrahaon
Agod makabig mo man ako nga Parayaw mo
Pero owa mo gid ngani ako ginalingot.
Paano kita sabton
Ay indi ka ngani katueok kakon?
Ag kon magsubeang ro atong mga mata,
Dayon ring tanga sa eangit.
Sa panan-aw ko may busae ring bibig
Kon maeapit ka kakon
Ay rang mabatian eang hay
Ro tamboe sa imong dughan.
No comments:
Post a Comment