Mamunit Kunta Ako
ni Melchor F. Cichon
Oct. 24, 2021
Nag-agto ako sa Maeara
Agod mamunit
Ugaling nagmueomueo
Ro mga pantat, aeugsok, ag puyo
"Mahuyap eon lang kami sa imong tudlo,
Inubos eon it endrin ro pamilya namon."
Kato bag-o nag-abot ro endrin
Ingko uean ka abo ro mga isda sa kaeanasan.
Kabay pa nga sa mga masunod nga adlaw
Makadawi eon man ako't
Balde-balde nga pantat, aeugsok ag puyo
Bag-o ako mag-uli.
No comments:
Post a Comment