Alam Ko!

 

Alam Ko!

Ni Melchor F. Cichon

Oct 12, 2016

 

Alam ko na alam mo rin

Na kung minsan

Kapag kinakausap mo ako

Ang isip ko

Ay naroon sa Pluto

Pinagmamasdan

Kung bakit napupuno

Ang mga puninarya ng bangkay

Na napulot sa kalsada dahil sa droga.

At pinagmamasdan

Ang pag-iikot ng mundo.

At pinakikinggan

Kung dapat na bang

Ibaling na natin

Ang tingin

Sa China, sa Russia at sa North Korea.

Napansin na kasi

Ang mga tinik sa mga rosas

Na mula kay Uncle Sam.

Kaya lang

Baka naman mas matalim

Ang mga tinik ng mga rosas

Na nanggagaling

Sa mga singkit

At sa mga may pulang bandila.

Baka naman

Mas lalong lalapad ang anino

Ng mga rosas na ibibigay

Ng mga ito.