Paeay

 

Paeay

Melchor F. Cichon

October 2, 2018

 

Hasayran mo kon paano magtubo ro paeay?

Hasayran mo kon ano kaabo nga hueas ro napahid

Ni Tatay sa pagpatubo it paeay?

Hasayran mo nga owa pa ngani maani ro paeay

Habaligya eon ra ni Nanay?

Kon hasayran mo kon paano magtubo ro paeay,

Ham-at kon mag-ani ka mga tunga ka pasong ro uyang?

Agod may matuka ro bebe o ro maya?

Kon hasayran mo kon paano magtubo ro paeay,

Ham-at kon magtug-on ka

Sobra sa kinahang-eanon ku inyong tiyan?

Agod may ibahog sa baboy it inyong kaeapit-baeay?

Kon hasayran mo kon paano magtubo ro paeay,

Ham-at owa mo ginaubos ro humay sa imong pinggan?

Agod may makaon ro kuring ag ro inyong ayam?