ni Amador T. Daguio*
Gin-Inakeanon ni Melchor F. Cichon
December 30, 2009
Mabawod ro butong;
Ako hay tawo it kalibutan.
Hambae nanda sa butong kuno
Naghalin ro una naton nga tawo.
Sa eawas baea ako,
O sa berdeng dahon?
Kinahangean ku baeang ihutik
Rang kada kasae-anan ag pagbakho?
Kon umagi ro hangin,
Kinahangean gid baea nga maduko ako, ag samitan
Nga sukaton
Rang pag-eubay?
Siguro hanimo gid man ako nga butong.
Pero magpakatawo gid ako.
Iduko mo ako, O Ginuo,
Iduko mo ako kon mahimo mo.
Source: Sansiglong Mahigit ng Makabagong Tula sa Filipinas, edited by Virgilio S. Almario. Metro Manila: Anvil Publishing, Inc, 2006, p.62.
* For more of my translations, please see this link:
Subscribe to:
Post Comments (Atom)
No comments:
Post a Comment