Toto, malieon
Mapaeanas kita.
Daeha ring gaeab,
Ring espading
Ay ro mga hilamon aton nga gaeabon.
Tan-awon man naton
Kon ro irigasyon nagatubod eon.
Ugaling Tay
Haeos katapusan eon it Hunyo
Owa pa gid mag-uean.
Ano abi ay ro mga kahoy sa kabukiran
Hay ginpanapas
It mga manggaranon nga owa't tagipusuon
Ag makaron hay sa lumberyard
Naga-untay.
Ano abi Tay ay ro tug-an nga bulig
Ni gobernador, ni kongresman
Na-El Niñohan.
Subscribe to:
Post Comments (Atom)
No comments:
Post a Comment