May Bag-o nga Baganihan Sa Atong Tyempo

May Bag-o nga Baganihan Sa Atong Tyempo
Ni Rio Alma
Gin-Inakeanon ni Melchor F. Cichon
April 4, 2020

Ginuo, gusto kong magtipon it batong
Pinueot sa dagat, bukid-bukid ag bulkan,
Idukot-dukot nga paris it maisot nga payyo
Ag tamnan it among ginahimong kadungganan.
Ag haearan it sampagita ag abel
Sa akumpanimento’t agong, kutibeng, ag budyong;
Hayahay nga nilibong gawagayway sa hangin
Pagsaludo sa atong bagahinan it makaron.
Nagbaganihan sanda nga owa’t espada.
Owa gadiskurso sa entablado ag parke;
Ro ginabantayan hay pitik it tagipusuon ag ginhawa,
Sinyales it pagserbisyo—puting uniporme.
Kalimpyo it kaeayo, kahugod it busay.
Ro andang pagserbisyo hay eampas pa sa rebolto;
Sanda ro bagahinan it ano mang kataeagman
Matindog maghaead maski ro kabuhi hay maagtu.
Ginuo, gusto ko nga kada bato
Hay sueatan ku andang kaisog ag pangaean:
Nanumpa sandang magbueong it tawo,
Nagtaliwan sanda agod may mabuhi.

Para sa alaala nina Dr. Raul Diaz Jara, Dr. Israel Bactol, Dr. Rose Pulido, Dr. Greg Macasaet, Dr. Marcelo Jaochico, Dr. Salvacion Gatchalian, at mga kawal pangkalusugang lumaban sa COVID-19.
Rio Alma
26 Marso 2020