OK Eang Kakon
ni Melchor F. Cichon
December 4, 2021
Samtang ginasipeat-sipeatan naton
Ro gatunod nga adlaw
Sa binit it Boracay Beach,
Nagpangako ka kakon
Nga ro imong paghigugma kakon hay eampas pa sa Pluto.
Ag samtang gasipeat ro adlaw
Ag gahayag ro buean
Hay indi mo gid ako pag-aywan.
Pero pagtaliwan it sang dag-on
Iba eon ring ginaagbay-agbayan.
Pagkakita ko kinyo nga nagatikang-tikang
Nga naga-holding hands
Sa Pastrana Park,
Nagpundo ro pagpitik kang tagipusuon.
Ag gulpi nga natunod ro adlaw
Ag nagdueom ro ugsad.
Pero hambae ko
Makatueog ako it mahamuok
Maski makita kita
Nga nagahaeakhak ka maski bukon it ako ring kaibahan.
No comments:
Post a Comment